Arlo horretan Fundazioaren jardueraren aurrekarietan antzemandako sektorearen behar espezifikoei erantzuteko helburuarekin sortu zen.

Enpresei laguntzen die berdintasunaren arloko araudia behar bezala bete dezaten; hots, neurri zuzentzaileak bereiz aplikatzeaz gain, arlo hori laneko segurtasunarekin eta osasunarekin lotu behar da eta erakundeetan gertatzen diren generoagatiko desberdinkeriak eta diskriminazioak laneko arrisku-faktoreak direla ulertu.

Berdintasunari buruzko araudia eta laneko arriskuen prebentzioari buruzkoa elkarrekin lotzea “palanka” gisa agertu zaigu laneko arriskuen prebentzioa kudeatzeko sistemak berrikusteko eta eraikuntzako langileenganako prebentzio-ekintza hobetzeko.

Tresna digital horrek berariazko edukiak bildu ditu, enpresan indartu eta aplikatzeko ekintzak barne hartuta. Dokumentazio-gordailu ordenatu bat ez ezik, erabiltzaile-profil ezberdinentzat landutako eta egokitutako informazioa ere badu, eta horri esker, ikaskuntza esperimentatuko da eta araudia identifikatu eta aztertzea erraztuko da.

Tresna xede-publikoaren artean zabaltzeko, komunikazio-espazio digitaletan jarriko da, eta sektoreko mikroenpresetara eta ETEetara egingo diren bisita presentzialen bidez eta ETEekin egingo den jardunaldi baten bidez sustatuko da.